TATA IBADAH
MINGGU HUT SEKSI PEMUDA GKPS
26 Desember 2018
TEMA:
Ibohali Manghobaskon Horja na Madear. (2 Timoteus 3:17)
Ibohali Manghobaskon Horja na Madear. (2 Timoteus 3:17)
SUB TEMA:
Bobai ma Kuria in Gabe Paridop ni Uhur Songon Kristus Paridop ni Uhur in Tarlobih hubani Halak na Musil, na Marsitaronon pakon na Ibagas Odoh-odoh
(Jeremia 29:7; Lukas 4:18-19).
I. PERSIAPAN PAKON
PROSESI
·
Petugas ibadah
martonggo i konsistori
·
Prosesi petugas
ibadah hun konsistori manuju ruang ibadah
1. DILO-DILO LAHO MARSOMBAH
P. Selamat Natal janah Salam Diakonia ma hubanta haganupan! Syalom anjaha Horas ma hubanta kuria ni Tuhan na martumpu bani pesta malas ni uhur sadari on. Hubani
haganup Pemuda na dong i Kuria on hatahonon ma : “Selamat Minggu/Pesta Pemuda GKPS 2018” Nasiam hasoman sahaporsayaon, patut do
marmalas ni uhur hita halani domma idilo anjaha ipasada Tuhanta hita i rumahNi na mapansing on
laho marsombah huBani. Halani ai puji hita ma Ia marhitei doding
puji-pujian. Riap ma hita jongjong !
K. (mandodingkon ) Haleluya No 496 :1+3
Idilo Tuhan Naibatanta haganup kuriaNi
in
Ase
manjalo haluahon, na binoban
ni Kristus in
Tangihon
ma dilo-diloNi, pateleng Ham ma pinggolmu
Ulang
manosal holi dobni, Bai ujung ni
panorangmu
Jumpahan
ulih do ganupan, na sirsir manangihon in
Na seng ongga marsidalian, mambalosi
Tuhanta in
Tangihon ma dilo-diloNi, pateleng Ham
ma pinggolmu
Ulang
manosal holi dobni, Bai ujungni panorangmu
2. VOTUM-INTROITUS-TONGGO
P. Marhasoman
hatarimakasihon hubani Tuhan, pungkah hita ma kebaktianta! Riap ma hita
jongjong! Ibagas goran ni Naibata Bapa, pakon Tuhan Jesus Kristus ampa Tonduy
Napansing Sitompa langit pakon tanoh on.
P+K. Amen
P. Ai
pe, sitiru Naibata ma nasiam, songon anak na hinaholongan!
K. Anjaha marparlahou
ma nasiam ibagas haholongan, songon Kristus na mangkaholongi nasiam, anjaha
ibere do diri-Ni mangkopkop hita, gabe siluah ampa galangan bani Naibata, gabe
uap na misbou.
P. Sonari lihar do
nasiam ibagas Tuhan in; marparlahou ma nasiam songon anak haliharon; ai
buah-buah ni haliharon aima sagala halayakon, hapintoron ampa hasintongan.
K. Paruhurhon
nasiam ma, atap aha do harosuh ni Tuhan in!
P. Marsahap ma nasiam
samah nasiam marhitei doding Psalm, doding puji-pujian ampa doding partonduyon,
dodingkon anjaha puji nasiam ma Tuhan in ibagas uhur nasiam!
K. Tongtong ma nasiam
mangkatahon tarima kasih halani haganup bani Naibata Bapa, ibagas goran ni
Tuhanta Jesus Kristus!
P. Marsibalosan
ma nasiam ibagas biar mangidah Kristus!
Martonggo ma hita. Ham Tuhan Naibata, Parholong na tarsulur na manompa langit pakon tanoh
on. Ipuji hanami do Ham halani layakMu, marhitei Anak-Mu Jesus Kristus Tuhan na dob roh hu tanoh
on paluahkon hanami pardousa. Mardohar janah marmulia ma tongon goranMu bani sab tanoh on marhiteihon ibadahnami.
Nuan martumpu do hanami ijon bani Pesta Minggu Seksi Pemuda GKPS na marulang tahun na pa-65hon. Ibagas malas
ni uhur ampa olob-olob do hanami roh hu lobeiMu,
mangkatarimakasihkon parmudu-muduMu ampa pangkasomanionMu
bennami. Marhitei Pesta on, sai lambin matoras ma haporsayaonnami janah lambin tambah gogohnami
mamuji pasangapkon Ham. Pasu-pasu Ham ma hanami haganup na martumpu on, ase
tongtong ibagas malas ni uhur ampa marpangarapan hu Bamu. Ibagas goran ni AnakMu,
Jesus Kristus Tuhannami. Amen. (Hundul Kuria)
3. MANDODING Haleluya 316:1+3
Sai puji ma
Tuhanta in, ai tubuh Jesus in,
Sai jalo ma Rajanta in, pasirsir ma
uhurmu in
Mandoding pujima..mandoding pujima,
mandoding puji Tuhan in
-------Jongjong Kuria-------
Megah ganup dunia
on, marsangap Tuhan in
Ganup mamuji Tuhan in,
pakon ganup tinompaNiin
Mandoding puji ma,
mandoding puji ma, mandoding puji Tuhan in
4. HASASAPAN NI DOUSA
P. Ibagas unduk pakon toruh ni uhur,
sopotkon hita ma dousanta hubani Tuhan Naibata!. Ham Tuhan Naibata Bapanami
simada haganup kuasa, porsaya do hanami bani holong ampa idop ni uhurMu
hubannnami jolma pardousa on. Roh do nuan hanami hu lobeiMu mansopotkon ganup
dousa pakon hahurangannami.
K. Ham
Tuhan Naibata Bapanami, nuan roh do hanami manrogop hu lobei-Mu. Idop ma uhurmu
bannami.
Pem. Ale Tuhan Naibata
Bapanami, roh do hanami nuan martonggo manrogop hu Bamu, halani iahapkon hanami do
buei ni panlanggaronnami bani goluh on. Bani na marhorja, gati do hanami lang
marpangajaman hu Bamu. Domma 65 tahun hajongjongannami Pemuda GKPS, namin patut
ma hanami gabe niombah na marbuah ramos, janah boi dapotan malas ni uhur halak
marhitei kehadiran nami. Tapi bani pangabak sonai age horjanami, sipata
marpangusandeian bani gogoh ampa pambotohnami do hansa hanami, gabe lupa hanami
bahasa Ham do sumber ni hagogohon pakon pargoluhannami
on. Bani ganup panlanggaronnami in, holong ma Ham Tuhan, sasap Ham ma
dousanami.
P. Marpangulaki
ma uhurMu hubennami Tuhan
K. Mandodingkon Lagu Rohani “Ge Pe
Gerger”
Ge pe gerger dousanta songon, pargerger ni hiou hasumba
Gabe putih boi ibahen Ham, songon parputih ni
kapas
P. Ham
Tuhan Naibata Bapanami, jalo Ham ma tonggonami on
Pem. Sadari on Tuhan, hanami Pemuda do na i pakei
Ham mangidangi KuriaMu bani ibadah on. Diatei tupa ma hatahononnami hu
Bamu, halani ipakei Ham ope hanami marugas Bamu. Anggo ididah janah irimang-rimangi
hanami diri sonai parlahounami, lape patut namin hanami marugas bani ibadah on.
Lape gabe niombah na sintong hanami i lobeiMu sonai age i lobei ni
namatorasnami. Lape jumpah haporsayaon na matoras janah gokan dear ibagas
dirinami. Gati do danak paruhuron sonai pangabaknami dompak Ham sonai dompak
hasoman jolma. Mardousa do hanami marhitei ganup lolei ni uhurnami in Tuhan.
Bani panlanggaronnami in holong ma Ham Tuhan, sasap Ham ma dousanami .
P. Marpangulaki ma uhurMu hubennami Tuhan
K.
Mandodingkon
Lagu Rohani “Ge Pe Gerger”
Ge
pe gerger dousanta songon, pargergerni hiou hasumba
Gabe putih boi ibahen Ham, songon parputih ni
kapas
P.
Ham Tuhan Naibata Bapanami, jalo Ham ma tonggonami on
Pem.
Ham Tuhan Naibata, lang targorani hanami
ganupan dousanami in, tapi anggo Bamu talar do ganupan in. Halani ai, ibagas
toruh pakon unduk ni uhurnami, mangindo ma hanami
hu Bamu, holong ma Ham, sasap Ham ma dousanami in. Patalup Ham ma hanami gabe Pemuda
GKPS na bujur janah na bijaksana, na totap mangkaholongi hasoman, hormat marparlahou
janah marhabiaran hu Bamu. Sai tongtong ma hanami manggoluh ibagas panrahut ni
holongMu, marsada ni uhur mamuji pakon pasangapkon Ham, ase ganupan hanami
mangakuhon bahasa Jesus do Dalan, Hasintongan pakon hagoluhan. Holong ma uhurMu
Tuhan, sasap Ham ma dousanami in.
P. Marpangulaki
ma uhurMu hubennami Tuhan
K. Mandodingkon
Lagu Rohani “Ge Pe Gerger”
Ge
pe gerger dousanta songon, pargerger ni
hiou hasumba
Gabe putih boi ibahen Ham, songon
parputih ni kapas
P.
Tangar hita ma hataNi Naibata bagah-bagah pasal hasasapan ni dousa,
“Domma Hupasisi
salahmu songon hombun, anjaha songon hombun manorap dousamu. Mulak ma ho hu
Bangku, ai Ahu do na manobus ho.”
Hasangapon ma bani Naibata i babou
P+K. Amen (Hundul
Kuria)
5. MANDODING Lagu Rohani “Ge Pe Gerger”
Halani ai oh
hasoman
Haganupan
hita da, hita da
Ulang lupa
hita da
Bai hata ni Tuhan in
Porini au oh
Tuhanku na manlanggar
titahMu,
titahMu
Ulang moru
holong-Mu
Bangku na
pardousa on
Ge pe gerger
dousanta songon, pargerger ni hiou hasumba
Gabe putih
boi ibahen Ham songon parputih ni kapas
Halani ai oh
hasoman
Haganupan
hita da, hita da
Ulang lupa
hita da
Bai hatani
Tuhan in
Porini au oh
Tuhanku na manlanggar titahMu, titahMu
Ulang moru
holong-Mu
Bangku na
pardousa on
Ge pe gerger
dousanta songon, par gerger ni hiou hasumba
Gabe putih
boi ibahen Ham songon parputih ni kapas (mulak hu awal)
Hubanta
pardousa on
Hubanta
pardousa on
Hubanta
pardousa on
Hubanta
pardousa on
6. MAMBASA EPISTEL
P. Tangar
hita ma Hata ni Naibata na tarsurat bani Johannes 1:9-14.
Panondang na sintong in, na
manondangi ganup jolma do, na roh hu dunia on.
K. I dunia on hinan do Ia, anjaha
marhiteihon-Si do adong dunia on, hape seng itanda dunia on Ia.
P. Na roh do Ia marayak na dong Bani, tapi seng ijalo
na dong Bani in Ia.
K. Tapi barang piga na manjalo-Si,
hujai do ibere kuasa, ase gabe anak ni Naibata sidea, ai ma na porsaya bani
goran-Ni.
P. Ai ma na so tubuh humbani daroh
barang humbani rosuh ni daging barang humbani rosuh ni dalahi, tapi humbani
Naibata do.
K. Gabe daging ma Hata in anjaha
marianan i tongah-tongahta; jadi ididah hanami ma hasangapon-Ni songon
hasangapon ni Anak Sasada na humbani Bapa in, gok idop ni uhur ampa
hasintongan.
P+K. Amen
7. MANDODING Haleluya No. 313:1-2
Humbai pulau ge banua, sai
tarbogei do torus
Doding na mamuji Tuhan,
Sipaluah jolma in
Gloria, puji ma Tuhanta,
Gloria, puji ma Tuhanta
--------Jongjong Kuria--------
Haganupan na
isurga pasangapkon Naibata
Rap mandoding
do sidea ilobei ni Naibata
Gloria, puji
ma Tuhanta, Gloria, puji ma Tuhanta
8. MANAKSIHON HAPORSAYAON : (Humbani
Agenda Model A)
-------Hundul Kuria-------
9. ACARA KHUSUS HUT PEMUDA GKPS
a. Mambasa
Tonah ni Pimpinan Pusat
b. Mambasa
Refleksi Pemuda
c.
Tonggo Pangapition
d.
Vocal Group / Koor Pemuda
10. MANDODING Lagu Rohani “Hidup ini adalah
Kesempatan”
Hidup ini adalah kesempatan, hidup ini
untuk melayani Tuhan
Jangan
siasiakan waktu yang Tuhan bri, hidup ini hanya sementara
Hidup
ini adalah kesempatan, hidup ini untuk melayani Tuhan
Jangan
siasiakan apa yang Tuhan bri, hidup ini harus jadi berkat
O
Tuhan, pakailah hidupku, selagi aku masih kuat
Bila
saatnya nanti, ku tak berdaya lagi, hidup ini sudah jadi berkat
12. AMBILAN (Jesaya 60:1-5)
13. MANGGALANG (Model A)
(irik
mandodingkon : Haleluya No. 406:1-3 “Hatahononta Diatei Tupa Ma”)
Hatahononta
diatei tupa ma, ai negaranta tanoh na lambut
Laut bolag dolog ni pe ratah, talun jenges ampar do haganup
In haganupan
pasu-pasuNi, Simada kuasa Tuhan Naibata
In haganupan
pasu-pasuNi, Simada kuasa Tuhan Naibata
Sanggah poltak mataniari
in, martitialas bai sogod ni in
Morum mangerbang
bunga-bunga in irandu doding ni bossala in
In haganupan pasu-pasuNi,
Simada kuasa Tuhan Naibata
In haganupan
pasu-pasuNi, Simada kuasa Tuhan Naibata
Tanoh na gombur musim pe
dear, torsa ganupan mambahen jagar
Jenges
idahon damei do ijin, in ma tanoh ta hatubuhan in
In haganupan
pasu-pasuNi, Simada kuasa Tuhan Naibata
In
haganupan pasu-pasuNi, Simada kuasa Tuhan Naibata
14. TONGGO + DODING GALANGAN-TONGGO HAM BAPANAMI-
PASU-PASU (Model A)
--------------------------------//////////-----------------------------
I.
ACARA PESTA
PEMUDA
· ……………………………………………………..
· ……………………………………………………..
· ……………………………………………………..
REFLEKSI
PEMUDA
Gaya
Hidup Pemuda Zaman Now
Lambin roh
majuni zaman, boi ma idalankon hita atap aha pe secara
instan. Perkembangan ampa hamajuan zaman mambaen anak muda (namaposo) pataridahkon gaya hidup domu hubani na
hinarosuhkonni, lang pala ipingkirkon etika ampa norma-norma na marlaku i
tongah-tongahni masyarakat. Sadalan bani hamajuan ni zaman in, buei ma fenomena
na viral na gati isobut kita istilah
“Kids Zaman Now”, ganup do tarihut bani hamajuan teknologi, gaya
hidup ampa parlahou kekinian. Boi hatahonon on ma seolah-olah gabe sada “habanggaon” bani generasi
milenial on. Ganup do boi huhorjahon na penting sonang ahu, lang pala hupardulihon
sonaha halak na legan. Tontu sayang tumang do anggo anak-anak na tubuh bani
zaman on lang mampu mambentengi diri bahkan gabe terbawa arus modernisasi, gabe lupa bani identitasni sidea na
sasintongni. Tontu tarmasuk do bani na maposo i tongah-tongah ni kurianta. Bahat ma na sibuk bani goluhni ase
keren dan ikut zaman. Itadingkon bahkan mungkin ilupahon ma horja na padohorhon
diri hubani Tuhan. Lupa bani peranni i tongah-tongah ni keluarga, masyarakat, bangsa pakon negara. Yang
penting gaul coi! Ra anggo na pardiateihon bahatan ma parlahou na hurang suman
humbani anak muda Zaman Now on: 1. Mandihuti gaya kebarat-baratan, jambulanni
iwarna-warnai, lengan bajuni ilipat-lipat, handpone keluaran terbaru lengkap
dengan tongsisni. 2. Mamake
barang-barang impor, lupa bani produk dalam negeri. 3. Marosuh malanggar
aturan; bani lalu lintas, i sikolah, i rumah pnl dong istilahni sidea nakal itu keren. 4. Rosuhan margaul bani
dunia maya marimbang i dunia nyata. 5. Roh
bahatni ma halak na mandapot titel MA alias mahasiswa abadi. 6. Buei ma anak di
bawah umur ope domma
martunangan (pacaran). 7. Urah martinggil, gati tawuran-tawuran. On ma na gabe warning banta secara khusus Pemuda GKPS na marulangtahun
ibagas sadarion. Akankah kita ikut zaman ini? Atau kita mau menjadi pemuda
gereja yang bijak, kreatif ampa peduli bani na na mandalani goluh na
ilayak-layakkon Tuhan hubanta? Sebab pemuda adalah gereja masa kini,
dan harapan untuk masa depan.
(boi homa ifragmenhon)
Komentar
Posting Komentar