16 Desember 2018 (Advent III)
Hosea 14: 2-9
Haleluya No. : 300 :
1-3
Pdt.
Deliana E. Purba, S.Th.
I. Parlobeini
Parumahtanggaon ni Hosea marupahon hubungan ampa
tindakan ni Naibata hubani bangsa Israel. Ibuat si Hosea do sada naboru jalang,
aima si Gomer. Tindakan hamarahan ampa uhuman ni Naibata hubani bangsa Israel
na dob manlembang, marnaibata na legan, igambarhon do marhitei goran ampa
artini goran ai.
Niombah na parlobei, margoran si Jesreel, artini “ai
tongkin nari mando luluhononku ma daroh ni Jesreel, humbani si Juda anjaha parontihononku ma Harajaon ni
Israel”. Niombah na paduahon, aima “Lo-Ruhama = naso hinaholongan.”
panorang ai seng be holong ni uhur ni Naibata anjaha seng be marulak-ulakan
uhur ni Tuhan mangidah bangsa Israel. Anak sipahitolu, aima “Lo-Ami = seng
bangsaKu.” Seng ianggap be bangsa Israel gabe bangsa-Ni, anjaha Ia pe seng
be gabe Naibata ni sidea. Dosa do na mambahen putus hubungan pakon Naibata.
Ambilan on marupahon panutup bani buku Hosea na marisi pangarapan na
menyegarhon jiwa. Adong tawaran holong ampa idop ni uhur humbani Naibata laho
paulihon goluh bangsa na dob mengalami paet ni goluh halani na manadingkon
Naibata.
Dilo-dilo on marupahon harosuh/prakarsa ni Naibata laho
paluahkon jolma in. On nyata taridah i hayu parsilang. Ia siap matei laho
mengampuni dosa ni na ra marhamubahon ni uhur. Ase tawaran holong on, maningon
irespon marhitei na sirsir marhamubahon ni uhur anjaha on ma na sihol ipamasmas
bani ambilan on.
II. Hatoranganni
1.
(Ayat 1). Memang dong do hata na
mangkatahon: penyesalan selalu datang belakangan, hansi lang dong hata
terlambat laho bertobat. Sepanjang adong ope panorang paridop ni uhuran humbani
Tuhan. Jadi ipaingat anjaha iojur do bangsa ai, sonai homa hita haganup ase
marhamubahon ni uhur. Bangsa Israel igambarhon songon sada parinangon (Gomer)
na dob misir daoh manadingkon pargotongni (Jahowa) laho manjumpahkon
kekasih/suami golapni. Hape manosal do hadobanni, halani sedo hasonangan na
ijumpahkon tapi lambin susah anjaha menderita do binahen ni ai. Nini Tuhan: “targompang
pe ho halani salahmu do.” Targompang, madabuh puhei nahei halani lang
mardalan bani dalan ni Tuhan. Aha na sinuan, ai do na isabi. Lang ongga dong
damei bani sihorjahan dousa (Jesaya 57:21). Tapi na porlu sirenunghononta sedo
pasal sonaha borit ni goluh na dob manadingkon Tuhan, tapi sonaha do ase boi
maluah humbani sitaronon in, aima marhitei na sirsir roh hubani Tuhan, Simada
hagoluhan, hasonangan ampa hadearon in.
2.
(Ayat 2) Sonaha do parrohta hubani
Tuhan?
Dilo-dilo
hu hamubahon ni uhur na humbani Tuhan maningon do irespon ibagas kejujuran ampa
ketulusan laho mansousouhon haganup dousa ampa hasalahanta. Bani ayat 2 isobut
do hajahaton aima ketidaksetiaan, ketidaktaatan kepada Tuhan. “Boan hanima
ma hata sihatahononnima anjaha mulak ma
bani Jahowa! Hatahon hanima ma hu Bani, “Sasap Ham ma haganup hajahatonnami,
anjaha bahen Ham ma na madear bennami, ase iboan hanami galangan Bamu, ai ma
buah ni bibirnami.” artini roh ma hita hubani Tuhan ibagas ketulusan pakon
kejujuran manghajojorhon haganup dosa, hasalahanta, ulang adong na tading, dousa
na etek, dousa na banggal, dousa na isengaja atap lang isengaja. Halani lang
adong na lingod pambahenan, pikiranta na so dear in i lobei ni Naibata. Dob ai,
hatahon hita ma : “sasap Ham ma haganup hajahatonnami anjaha bahen Ham ma na
madear bennami.” Maksudni, boan hita haganup dousa in, ase isasap (take
away), ipadaoh, ipamagou anjaha ipaborsih Naibata. Halani pitah Tuhan do
hansa na boi manasap, paborsihkon hita humbani sagala dousanta, anggo halani
anjaha mangajamkon gogohta, ronsi antigan pe seng na boi in.
Dousa
hasalahan, hajahaton na hinarjahonta, pasti do mangambat pakon boi manutup
hadearon (hal yang baik) bani goluhta, bahkan gabe penghancur kehidupanta on
(Rom 6:23). Halani kesadaran pasal sisonai ai ma ase roh ma hita/bangsaNi in
hubani Naibata, na boi manasap hajahaton anjaha na boi mambere sagala na madear
bani goluhta.
Halak
na dob manjalo hasasapan ni dousa humbani Tuhan, akan memiliki pengakuan ronsi
mandalankon pangakuanni, aima na sirsir mangkatarimakasihkon haganup pambahenan
ni Naibata, marhitei hata ampa mamboan galangan. Ase martarimakasih hubani
Tuhan sedo (lang sungkup) pitah marhitei hata humbani pamanganta, tapi maningon
das do hubani pambahenan na mamboan galangan hubani Tuhan. Ase tongon bahasa
hata dan karya selalu sejajar atau beriringan.
3.
(Ayat 3). Hamubahon ni uhur marbuahkon
pangakuan “Seng ra be hanami/ahu”. Seng ra be mulak hu pudi, laho
mangulaki; mamparnalang kuasa ni Tuhan, epes bani parentah ni Tuhan, ronsi
marpangajaman bani kuasa i tanoh on (Assur pakon Huda). Pengakuan sisonon tontu
roh humbani kesadaran, bahasa maseda, borit, anjaha parngit do goluh ni halak
na manadingkon Tuhan. Halani na dob niarou do borit ni ai, gabe roh ma hata “seng
ra be au, jora ma au.” Igambarhon bangsa Israel do dirini songon sada anak
na tading maetek, na so marbapa, na so marinang. Lang adong mansarihon/mampardiateihon
goluhni, parngit do tumang. Tapi dob roh honsi hubani Tuhan, songon jumpahan bapa pakon inang
ma ia, sonang ma goluhni, halani Tuhan do tongon na gabe Bapa na mangarusi
anjaha na boi mansarihon goluh on.
4.
Lang tarponopkon anjaha lang tartahan
Naibata sifat idop ni uhur na Bani, hubani hinaholonganNi, umat pilihanNi na dob
ipilihNi paima itombei dunia on (Epesus 1:4). Anjaha na totap mardingat padanNi
hubani ompungta si Abraham, si Isak, pakon si Jakub (2 Musa 2:24, 1 Kronika
16:15), ampa na isolsoli uhurni domu hubani banggal ni idop ni uhurNi (Psalmen
106:45). Piga-piga alasan on ma na mambahen mintor roh Naibata laho manopot
anjaha mamboan malas ni uhur hubani bangsaNi in, aima hubani halak na roh ampa
na dob manolsoli anjaha mansosouhon sagala dousani hubani Tuhan. Ai domma surut
ringis ni Tuhan hubani hinaholonganNi in, anjaha roh ma tindakan holong ni
Tuhan, na igambarhon songon namur na mangarbahi suan-suanan na melus hinan.
Anggo domma namur na mangonai bani suan-suanan, tontu gabe segar ma ia tubuh,
marbunga anjaha uratni pe gogoh halani roh bagasni. Mangerbang do dangkahni,
jenges songon jetun, misbou songon Libanon, tarbarita songon anggur na hun
Libanon. Hal on patugahkon pambahenan ni Naibata na paulihon, pamalumkon naborit
ni bangsaNi bahkan na mambahen goluhni lambin roh jengesni, lambin margogoh,
mamparbuei anjaha tarbarita i tanoh on. On ma halani na harga anjaha na holong
do tongon uhur ni Tuhan hubanta.
5.
(Ayat 9). Ise do na maruhur ampa
marpangidah?
Barang
ise na maruhur anjaha marpangidah, pasti tangkas do ibotoh anjaha ididah pasal
hasintongan ni kuasa ni Naibata na marhorja i dunia on. Marhitei pengalaman
pakon pengamatanta bani goluh on, nyata do ididah hita, “tongon pintor do
dalan ni Jahowa anjaha halak parpintor do hansa na mampu mardalan ijai, tapi
anggo parjahat/na geduk uhurni, lang sanggup mardalan ijai, tompas do ia ijai.”
Artini, fakta dan nyata do terjadi ibagas sejarah pargoluhan ni jolma mulai
humbani si Adam das hubani sonari ampa das hu ujung ni tanoh on, bahasa totap
do sintong/adil hata, dalan ampa pambahenan ni Naibata, aima: - Naibata (Sang
Kebenaran) totap lang marosuh anjaha bertindak do Ia hubani sagala jolma na
mangkorjahon dousa ampa hajahaton, aima na manuju hu hamagouan/hasedaon das
hubani hamateian kekal. - Naibata mambere hadearon, hadoharon ampa haluahon
hubani halak parpintor ampa hubani na ra marhamubahon ni uhur. “Ai Jahowa do
Hayu Bolon, harohan ni buah na madear, aima buah Hagoluhan banta (ayat 8).
III. Hahonaanni
Hita haganupann kuria na
hinaholongan ni Tuhan Jesus Kristus.
Sadari
on masuk ma hita bani minggu Advent na patoluhon, saat ni mempersiapkon diri
laho mangalo-alo panroh ni Tuhan na paduahalihon, mangalop hita na porsaya naik
hu nagori atas. Jadi panorang on porlu ma hita memiliki waktu laho merenung
anjaha memiliki pangarusion na jelas anjaha sintong pasal aha do na porlu
sipersiapkononta laho mangalo-alo panroh ni Tuhanta in.
1. Horja dousa ampa hajahaton na hinorjahonta
pitah mambon/menggiring hita hubani ketidakbahagiaan, kekecewaan, dan
kebinasaan. Halani ai do ase roh seruan pertobatan na imperatif hubanta, ase mulak
(return) hubani dalan ampa harosuh ni Tuhan. Ai do hansa keputusan ampa
sikap na sidearon sibahenonta. Anugrah tanpa pertobatan, semua manusia akan
masuk nereka, nini sada halak na bijak. Dong sada judul khotbah na marisi tema:
Bertobatlah kamu, mengapa harus binasa?” Artini Naibata lang marosuh
hita on magou halani dousa-dousata, halani ai maningun ma hita “mubah”
(bd. Jesaya 55:7). Sondahan on, khotbah pertobatan na powerfull seng sai
iharosuhkon jolma be, tapi maningon do torus itaurhon hu tongah-tongah ni
kuria, hasoman, dunia on, halani zaman domma semakin maseda, hajahaton domma
marajalela, lang dong biar anjaha barani ma mangkorjahon hajahaton secara
transparan.
2. Murka Allah dikalahkan oleh cinta kasihNya.
Age
pe iuhum Naibata do halak sihorjahon hajahaton, na lang setia, lang taat bani
hataNi, tapi banggalan do idop ni uhurNi marimbang uhuman in. Sonari ma
panorang idop ni uhur ai. Janji ni Tuhan pasal pasu-pasu malas ni uhur,
hamalumon, pemulihan ampa haluahon na manongtong in, respon hita ma ibagas na
maruhur, marhitei na marhamubahon ni uhur.
“Mengapa
cinta Tuhan lebih sering tidak diperdulikan oleh manusia sehingga kesalahan
sering dilakukan? Apakah cinta Allah tidak cukup membuat untuk setia?”
http://www.gkps.or.id/ambilan-minggu-16-desember-2019/
Komentar
Posting Komentar